Interesseorganisasjonen Norske kjernekraftkommunar er meir eller mindre rykande fersk, etter at dei seks første kommunane signerte ein intensjonsavtale om å etablere organisasjonen i november.
Desse kommunane er Vardø, Narvik, Heim, Aure, Porsgrunn og Halden kommune, og no sluttar Høyanger kommune seg også til desse. Ifølge Teknisk Ukeblad har det i fleire av desse kommunane vore opprivande debattar kring vindkraft. – Meir kunnskapSaka gjekk samrøystes igjennom kommunestyret i Høyanger og var også oppe til diskusjon i formannskapet 8. februar. Her kom det fram frå debatten at det for Høyanger sin del gjeld det å komme tidleg inn i interesseorganisasjonen i all hovudsak for å få meir kunnskap kring temaet kjernekraft. Einar Rysjedal representerte Høyanger kommune på Gardermoen, men valde å ikkje signere avtalen i første omgang, men heller ta med saka tilbake til kommunestyret for avrøysting. – Vi må skaffe oss meir kunnskap om kjernekraft, og det bør også kommunenorge skaffe seg, sa Rysjedal i eit kort innlegg på kommunestyremøtet, før forslaget om medlemskap vart samrøystes vedtatt.
