– Det er venta nokre skredhendingar. Enkelte store hendingar kan førekome. Utsette bane- og vegstrekningar kan bli stengde, skriv NVE i varselet, og viser til at det har kome ein del snø i helga, og i løpet av dagen og morgendagen er det venta mykje nedbør og stigande temperaturar. 

Lokalt i Sogn og Fjordane er det venta opp mot 50-77 mm i løpet av 24 timar.

Nedbør i fjellet vil føre til snøsmelting og auka vasstilførsel. Samtidig er grunnvasstanden og vassmetningsgraden i bakken allereie høg.

– Bratte skråningar, samt bekkar og elveløp med stor vassføring er spesielt utsette, skriv NVE og rår til å halde stikkrenner, kummar og andre vassvegar frie for snø, is, grus, søppel, kvist og lauv.