Drosjeeigar Olav Brekken og Tesla’en hans var blant dei som var fremst i køen då ny hurtigladestasjon for elbilar nyleg opna i Høyanger.

Ladestasjonen i Høyanger består av ein hurtigladar med effekt på 50 kV og to semihurtigladarar på 22 kV.

- For meg og verksemda mi betyr det mykje, seier han til Ytre Sogn.

- No kan eg stasjonere meg i Høyanger. Tidlegare når eg har komme frå Vadheim og inn til Høyanger har eg måtte reise tilbake etterpå for å lade. Det treng eg ikkje no, seier han, og er også nøgd med at det same dag også kom ladestasjon i Lavik.
-Det er frå Høyanger og Lavik eg har flest turar. Så det er bra, seier drosjeeigaren frå Vadheim.

Torsdag i førre veke kunne han og andre ta i bruk den nye ladestasjonen i Høyanger sentrum, som Høyanger kommune og Grønn Kontakt har gått saman om å setje opp. Sistnemnde, som er ein veletablert nasjonal operatør av hurtigladarar, driftar per i dag ladestasjonar på over 80 stadar i Norge.

Tilsaman har Høyanger kommune, Grønn Kontakt og Sogn og Fjordane fylkeskommune investert 500.000 kroner i den nye ladestasjonen.

Les meir i siste utgåve av Ytre Sogn!