– Vi har tekniske problem som vi jobbar med å ordne opp i, og vi reknar med det er oppe og går igjen i løpet av nokre timar, seier kommuneingeniør Asle Værøy til Ytre Sogn.

Det er automasjonsanlegget som har svikta, og det vert no jobba med å få det opp og gå igjen. Dette gjeld alle husstandane i Vadheim tilkopla det kommunale anlegget. 

– Når det er klart må vi sjå kva vi leverer og eventuelt ta nokre prøvar, seier Værøy.

Klokka 13.30 er det meldt at vatnet er tilbake i kranene.