Bakgrunnen er at Vestland fylkeskommune skal skifte ut ferjelemmen på kaien.
– Det er ein etter kvart gamal og det vi vil kalle utrangert ferjelem. Difor skal vi no i gang med å skifte den ut, seier Rolf Nordeide, byggjeleiar for kaivedlikehald i Vestland fylkeskommune, til Ytre Sogn.
Arbeidet er kostnadsrekna til mellom to og tre millionar kroner.
– Det er såleis eit relativt lite prosjekt. Det hadde blitt heilt andre kostnader med ein større kai. Den i Ortnevik er jo liten, og har mindre trafikk.
Noko førebuande arbeid er starta opp. – For å gjennomføre sjølve utskiftinga er det naudsynt å stenge kaien for biltrafikk i perioden frå 25.mai klokka 13.30 til 4.juni klokka 12.00. I denne perioden kan ferja nyttast til passasjertransport til og frå Ortnevik etter normale ferjeruter. Tilrådd omkøyring for dei som må krysse Sognefjorden med bil er via ferjesambandet Oppedal-Lavik på E39.
– Arbeidet vil kunne medføre noko støy, men då i all hovudsak på dagtid.
.Entreprenør for arbeidet er BMO Entreprenør AS.
Buss og båt
Buss 241 mellom Bjordal - Høyanger køyrer ordinær rute til og frå Ortnevik kai. Det vert sett opp skyss frå Nordeide kai til Høyanger om morgonen, og retur på ettermiddag frå Høyanger kai klokka 12.30. Båten går frå Nordeide klokka 12.45.