Kontrakten stiller klimakrav om minst 52 prosent CO2-kutt, og gjeld drift av lokale båtruter i Kinn, Bremanger, Stad, Vik, Høyanger, Sogndal og Lærdal kommunar frå 2024 til 2036, med opsjon for fylkeskommunen til å forlenge kontrakten med opptil to år.
Frå 1. mai 2024Driftsoppstart er sett til 1. mai 2024, men med ein rett for Norled til å starte opp drifta frå 1. november 2023, går det fram av ei pressemelding frå Skyss. I Høyanger gjeld det rutene Nordeide-Måren-Ortnevik og Vik-Ortnevik. Kontrakten stiller krav om fornybar energi og minst 52 prosent reduksjon av drivstoff-forbruket. Ytterlegare utsleppskutt i tillegg til dette vert premiert med bonus. Oppdraget kan typisk løysast med hybridelektriske fartøy og tilhøyrande ladeinfrastruktur på fleire av kaiene i ruteområdet. Skyss har lagt til rette for elektrifisering og sikra straum og areal på relevante kaier. Det er søkt og innvilga opptil 22,3 millionar kroner i støtte frå Enova for kostnader knytt til kjøp og etablering av slik energiinfrastruktur. Endeleg avgjerd
Fire operatørselskap deltok i konkurransen – Fjord1 ASA, Torghatten Nord AS, Norled AS og Boreal Sjø AS. Skyss vil signere kontrakt med Norled AS etter at karensperioden er over. – Vi er svært nøgde med resultatet av anbodskonkurransen, som gir god utteljing for klima og miljø. Med denne anskaffinga bidreg vi til innovasjon og marknadsutvikling i det grøne skiftet, seier direktør Målfrid Vik Sønstabø i Skyss. Prosessen er etter tidlegare politisk vedtak lagt opp slik at fylkesutvalet skal ta den endelege avgjerda om miljøinnrettinga på kontrakten. Kontrakten inneheld ein opsjon for fylkeskommunen til å be operatør om å i seks år. Saka vil bli handsama i fylkesutvalet i november.