Dei kjem til Flåm tysdag 15. juni, Hyllestad onsdag 16. juni og Florø torsdag 17.  juni. 

– Kongeparet ønskjer å lære meir om korleis lokalsamfunna har handtert den pågåande pandemien og kva erfaringar dei har gjort seg, går det fram av ei pressemelding frå Statsforvaltaren i Vestland.

Kongeparet skal nytte Kongeskipet «Norge» under reisa.

Blir vertskap 
Det er ordførarane i dei tre kommunane som er vertar for besøket, og i Hyllestad er det Kjell Eide.

– Det må jo bli kjekt, det, seier han  på spørsmål om korleis det blir å ta imot kongeparet.

Men det er ikkje første gong dei er på besøk i Hyllestad, og difor heller ikkje første gong han møter dei, kan han fortelje.

– Nei, dei var her i 2002, i samband med opninga av Kvernsteinsparken i Hyllestad Det stod Dronning Sonja for, medan Kong Harald etterpå la ned krans ved minnestøtta over dei falne i 2. verdskrig, også det i Hyllestad.

På sistnemnde hending var Eide med og tok i mot Kongen.

– Så eg har fått gleda av å helse på dei før, ja, seier han.til Ytre Sogn.

Annleis besøk
Han understrekar samstundes at besøket denne gong blir annleis.

– Det har med pandemien og smittevernrestriksjonar å gjere. Så det blir ikkje lagt opp til å ha stpre ansamlingar av folk under besøket, seier han.

Det endelege programmet for besøket er enno ikkje fastlagt.