I den internasjonale finalen møtest dei aller beste, inkludert Noreg sin eigen Magnus Carlsen, og turneringa når eit stort publikum både her til lands og ute i verda. Turneringa blir arrangert av Chess.com, den største sjakkplattforma globalt, som har over 180 millionar registrerte brukarar. Dette betyr at både turneringa og auren frå Osland vert vist til sjakkentusiastar over heile verda.

Sushi frå Sognefjorden

– Aure har ein nydeleg tekstur og smak som høver perfekt til sushi, forklarer salssjef Johnny Kalstad hos Osland. Fisken som blir servert i Oslo kjem rett frå Sognefjorden, vert filetert lokalt på Slakteriet i Instefjorden, før den blir servert sjakkeliten der. Kalstad håpar at smaken av Sognefjorden vil slå an hos både spelarane og publikum, og kanskje tilføre ein frisk, norsk vri på det prestisjetunge arrangementet. 

Champions Chess Tour består av fire nettbaserte turneringar gjennom året, med den store, fysiske finalen i Oslo no i desember. Den kan følgast live på chess.com og på TV 2.