– I Coop sin kalender er det skikkeleg julaftan når vi deler ut kjøpeutbytet. Vårt føremål er å skape medlemsnytte og verdi for medlemmene våre. I Coop er vi stolte over å vere annleisaktøren i bransjen, spesielt når overskotet skal delast og medlemmene får sitt kjøpeutbyte, seier administrerande direktør i Coop Nordvest, Arild Sørlien i ei pressemelding.

Medlemmar i Coop Nordvest får 1 prosent kjøpeutbyte på alt dei handlar i samvirkelaget sine butikkar. Fordelane til samvirkelaget sine medlemmer utgjorde totalt 227 millionar kroner i 2024, der 89 millionar kroner blir utbetalt som kjøpeutbyte i desse dagar. Dei resterande 138 millionar kronene har medlemmane fått gjennom rabattkupongar, medlemskupp og andre medlemsfordelar.

– Som einaste daglegvareaktør har Coop og gjenbruksbonus på handlenett. Dette er eit positivt og tydeleg insentiv for medlemmane, som vi får svært god respons på. Vi meiner tiltaket bidreg til å redusere forbruket av plastposar. Medlemmane våre tente over 1,2 millionar kroner i gjenbruksbonus i 2024.

900 000 til Høyanger

I år går 900 000 kroner inn på kontoane til medlemmene til Coop som har handla ved butikkane i Høyanger (Extra Høyanger og Sport'n Høyanger), og kjøpeutbytet blir sett inn på den einskilde sin medlemskonto. Medlemmane vel sjølve om dei ønsker å ta ut pengane eller spare dei.

– Coop Nordvest har auka kjøpeutbytet frå 1 prosent til 2 prosent frå og med 1. januar 2025. Vi har i mange år arbeidd målretta med å effektivisere og forbetre drifta i samvirkelaget, noko som gir oss betre økonomiske føresetnader for å fornye og oppgradere butikkane våre, samstundes som vi kan auke kjøpeutbytet, avsluttar Sørlien.

For ordens skuld kan det nemnast at Coop vart utsett for mykje kritikk i 2024 grunna vala om å legge ned Sport'n i Høyanger og manufakturen i Førde, samt vedtaket om å kutte Naustdal dampbakeri som lokal leverandør av bakevarer.