To store steinar ligg i vegkanten etter å ha ramla ned nokre titals meter i fjellsida. Dei har renska skogen og knekt tre der dei har falt ned, og på andre sida av vegen har ein lyktestolpe knekt rett av som følge steinane. Det er satt opp kjegler og markert med varselsband på staden.

– Det er folk der no og skal sikre. Og så må vi kontakte NVE og få nokon geologar til å sjå på det, seier Olav Nordgulen, leiar for drift og vedlikehald i Høyanger kommune.