Årets Balejazz vil gå av stabelen i Balestrand 2. - 3. mai, og ifølge arrangøren vil det bli stor breidde i programmet både musikalsk og geografisk.

– Det blir hardingfele, el-gitar og kontrabass. Det blir stor stemmeprakt. Det blir «Stjernekamp»-stjerne. Det blir rockabilly. Det blir improvisasjon. Det blir Al Jarreau. Det blir acid og funk. Og det blir full yacht-rock-fest, seier den begeistra festivalgeneralen Sigurd Kvikne i ei pressemelding. 

– Eit veldig godt program

Balejazz 2025 blir som vanleg ein fest for dei fleste musikksmakar.

– Eg ser sjølv fram til konserten med Rebekka Bakken. Ho er kanskje meir kjend i utlandet enn i Norge. Så er det moro at Real Ones feirer 25-årsjubileum hos oss, og at vokalfenomenet Bjørn Tomren kjem til Balestrand.

Kvikne dreg og fram stjernepianisten Tord Gustavsen, og vår lokale sangstjerne Einar Bolstad.

– Fagernes Yacht Club kjem også hit med sin yachtmusikk med blåsarrekkje og fullt trøkk. Det blir moro!

Det blir i tillegg til dei ordinære konsertane også som vanleg gratiskonsert i hotellhagen i Balestrand midt på laurdagen.