Det var tysdag at meldinga om administrasjonen si tilråding kom, to og ein halv månad etter at meldinga om at Tronvik var ein at tiltaka helseføretaket såg på for å spare pengar.
Helse Førde har eit stort underskot, og må dekke inn minst 130 millionar kroner på budsjettet for neste år. Helse Førde varsla på styremøtet på Tronvik i slutten av oktober at dei vil kutte 50 millionar kroner i drift og vedlikehald for 2024, og finne ytterligare 50 millionar i kutt fram mot styremøtet i januar. Dei siste 30 millionar kronene vil dei måtte finne i løpet av budsjettåret 2024. God kapasitetI tilrådinga argumenterer Varden for at det er god kapasitet på rus og psykiatri i Helse Førde, med relativt korte ventetider. – Bak tilrådinga ligg ei omfattande heilskapleg vurdering, der kapasiteten innan tverrfagleg spesialisert rusbehandling (TSB) i Helse Førde sitt opptaksområde har vege tungt. Her er vurderinga at Helse Førde framleis kan gje eit forsvarleg tenestetilbod innan TSB, sjølv om ein reduserer kapasiteten på døgnbehandling i eige føretak, skriv Helse Førde i ei pressemelding. Det er i dag omlag 30 årsverk fordelt på 52 tilsette ved Tronvik, med 15 ein kapasitet på 15 døgnplassar og eit belegg på 65 prosent. I tilrådinga vert det også lagt vekt på at ingen av dei tilsette som blir råka av ei eventuell nedlegging skal miste jobben. Florø
Helse Førde tilrår også å legge ned medisinsk poliklinikk, radiologi og fysioterapi i Florø. Også smertepoliklinikken og LMS-tilboda i Florø blir tilrådd flytta til sjukehuset i Førde. – Styret i Helse Førde blir gjort kjende med tilrådingane i samband med styremøtet neste tysdag. Det er likevel ikkje lagt opp til at endeleg vedtak skal skje før på styremøtet i januar 2024, står det i pressemeldinga.
