Fiskeridirektoratet følgjer opp vassdrag, blant anna i ytre Sogn, etter å ha motteke fleire meldingar om fangst av rømd oppdrettslaks.

Ifølgje direktoratet dreier det seg om fisk av ukjent opphav.



- Fisken er i storleiken 3-5 kilo, og er teken i Vadheimsfjorden (biletet), Høyangsfjorden og Sula, samt i vassdraga Gaula, Nausta og Jølstra i Sunnfjord, opplyser dei på nettsida si.


Aktuelle aktørar er no bedne om å sjekke anlegga sine.



- På bakgrunn av meldingane om fangst og observasjonar av rømd oppdrettslaks vil vi sørge for oppfølging av vassdrag i regionane. Arbeidet vil starte så snart tilhøva ligg til rette for det.



Samstundes vil direktoratet rette ein takk til alle som så langt har meldt inn tips, og ber publikum om å halde fram med det. 



- Dette har gjort oss i stand til å setje i verk tiltak.