I samband med bygginga av ny gang- og sykkelveg mellom Heggebø og Leirvik har det sidan september i fjor vore to totimarsstengingar midt på dagen.
Sprenging og sikring av dei to fjellsidene er no ferdig, og anleggsarbeidet går over i ei ny fase, der det ikkje er behov for dei lange stengingane. Trafikantar på strekninga må likevel bu seg på at det kan bli inntil ein halv times ventetid.
Det opplyser Statens vegvesen i ei pressemelding.
Elles vil det vere arbeid på strekninga også måndag og tysdag i påskeveka, men utan dei lange stengeperiodane. Frå onsdag 31. mars til tysdag 6. april blir det påskeferie på anlegget og fri ferdsel.