Lokale nyhende frå Ytre Sogn 24. november 2020
Ytre Sogn 24. november 2020

Martin Lundgård er tilsett som ny kommunedirektør i Hyllestad.

Dette er nye kommunedirektøren i Hyllestad

Journalist: Cecilie Skogheim | Publisert: 18. juni 2020

Martin Lundgård er den nye kommunedirektøren i Hyllestad. Det vart offentleggjort på kommunestyremøte torsdag ettermiddag.

– Eg gler meg veldig til å begynne, seier Lundgård til Ytre Sogn.

Erfaring

Lundgård har vore kommunedirektør i Fjaler frå 2016 til 2018. Etter det meldte han overgang til IT-verksemda Avans i Dale. Siste tida har har han jobba som seniorrådgjevar i Lotteri- og stiftelsestilsynet.
Datoen for når han byrjar i nye jobben som kommunedirektør er endå ikkje spikra.
– Det blir etter sommarferien ein gong, seier Lundgård.

Flott kommune

– Hyllestad er ein flott kommune med mange positive ting, og dei har eit spennande næringsliv, seier Lundgård.
Han har ikkje tenkt å busetje seg i kommunen.
– Eg bur på Dale. Det er ikkje så langt til Hyllestad, så eg kjem til å pendle, seier Lundgård.
Ordførar Kjell Eide seier at det var 6 søkjarar til stillinga.

⇐ Til framsida ⇐ Meir frå nyhende
Tilbakestill passord
Skriv inn e-postadressa di og få tilsendt eit nytt passord