Øen helselag og leiaren deira, Judith Bjordal, er begge tildelt Kvernsteinsprisen til Hyllestad kommune for 2018.

Tradisjonen tru er kommunestyresalen i Hyllestad og årets siste kommunestyremøte arena for overrekking av prisen, og i år vart det altså delt ut to av dei.

Den eine går til Judith Bjordal, som har vore leiar og kontaktperson i Øen helselag sidan 2012, og er blant dei som har lengst fartstid i laget som vart skipa i 1918.

Den andre går til Øen Helselag, som i år også har 100-årsjubileum, for innsatsen og arbeidet dei gjer i høve til kultur og trivsel som førebyggjande, helsefremjande tiltak.

Les meir om prisen i neste utgåve av Ytre Sogn!