– Når det går så tregt så greier vi å følgje med, og det er sjølvsagt ein stor fordel. Men eg gler meg absolutt til få opp tempoet, seier Longfellow til Ytre Sogn. 

Meir neste veke

Kommunen fekk dei første vaksinedosane 6. januar.


– Vi har fått 18 dosar i dag, slik at vi no blir ferdige med første dose på sjukeheimen i Høyanger, seier Longfellow onsdag føremiddag. 


Neste veke får dei 13 hetteglas, det vil seie 78 dosar.


- Då startar vi med dei som er 85 og eldre, i tillegg til at dei som fekk den første dosen for tre veker sidan, skal få andre og siste dose, held Longfellow fram.


I veke 5 får dei n30 nye dosar. 18 av dei går til dei som fekk første dose i veke 2. 
Tonje Strandos, dagleg leiar ved legesenteret i Høyanger, fortel at kommunen har sendt ut både brev og sms til innbyggjarane som er over 75 år, der dei har frist til fredag med å svare om dei ønskjer å ta vaksinen eller ikkje. 


– Vi sendte ut 529 brev eller sms førre veke. Totalt har vi fått nesten 300 svar, seier Strandos. 

Dei fleste seier ja
Vikarlege i Solund, Torkil Færø seier at 18 personar er vaksinert så langt. Solund er ikkje den einaste kommunen som får ein “større” leveranse neste veke. 


– Neste veke ventar vi 18 dosar, og 12 dosar veka deretter, seier han. 


Kommunen samlar inn informasjon om kven som vil ta vaksine eller ikkje ved å ringe innbyggarar etter ei prioriteringsliste. 


– Dei fleste seier ja. Det har kun vore nokon få som har sagt nei, seier Færø.  

Koronakoordinator i Hyllestad, Marthe Eimind fortel at vaksineringa av bebuarane på Eiklund sjukeheim er ferdig. Kommunen har også starta vaksinasjon av dei over 65 år. 

– Vi har vaksinert 23 personar, og eg synest at vaksineringa har gått veldig bra så langt, seier ho. 

Eimind presiserer at det er vanskeleg å gje eit tidspunkt for når den enkelte vil få time, men legekontoret vil ta kontakt når dette er klart. 



Ventar god dekning
I Gulen kommune er 27 vaksinar sett. Det stadfestar kommuneoverlege Anita Pettersen. 

– Vi er klar til å setje dei dosane vi får umiddelbart. 


– Tykkjer du at det går tregt? 


– Det er jo ei nasjonal avgjerd, så vi følgjer det, svarar Pettersen.


– Har du inntrykk av at det er mange som vil ta vaksinen?  


– Eg trur at vi kjem opp i god dekning på vaksinering etter kvart, seier ho. 
Neste veke får kommunen fem hetteglas, med andre ord 30 dosar. To av glasa skal brukast til dose to.