Det brenn i terrenget i fjellet over Vika i Høyanger, ikkje langt frå kommunegrensa til Fjaler og Heldalsheia.

Helikopter er på veg for å bistå i sløkkinga. Det melder 110 Vest på Twitter. 

Brannvesen frå både Høyanger og Sande har rykt ut, etter det Ytre Sogn har fått vite.

Årsaka til brannen, som vart meldt i 19-tida, er truleg lynnedslag.

Siste oppdatering frå 110 Vest er at brannvesenet er framme i Vika, og at brannen i terrenget har roa seg og røykutviklinga avteke.