Sogndal kommune tilrår følgjande, i første omgang fram til torsdag 2. desember:
* Bruk munnbind der det er utfordrande å halda avstand.* Reduser talet på nærkontaktar.
* Hald avstand der det er mogleg.
* Unngå arrangement der det ikkje er mogleg å halde avstand.
I tillegg kjem dei generelle smittvernråda om å vaska hender, halda deg heime om du er sjuk og testa deg.
Det melder kommunen på nettsida si. Alle delar av kommunen
- Det er viktig å kunne halde oppe tenestene våre, og i lys av det vel kommunen no å gje tydelegare råd om korleis folk kan møte smittesituasjonen, seier ordførar Arnstein Menes. Han fortel at folk er flinke til å gjere det dei skal i den situasjonen ein er i, både ved å teste seg og melde frå. Han ber no alle om å vere med på dugnaden for å få ned smittetala.
Sogndal kommune har opplevd ein vesentleg auke i talet på koronasmitta den siste tida, og dei seks siste dagane er det registrert 44 nye smitta i kommunen. Onsdag vart det påvist 8 nye smitta i Balestrand, 2 på Leikanger, 10 i Sogndal og 1 i Fjærland, og det er smitte i fleire kommunale institusjonar.