Onsdag vert det meldt om eitt nytt tilfelle av koronasmitte i Hyllestad
–Vedkomande er i isolasjon og aktuelle nærkontaktar er i karantene. Nærkontaktane vert testa i løpet av dagen, opplyser kommunen på heimesida si.
Dei viser elles til at dette generelt sett er ei tid med ein del forkjølelse, og ber alle om å ha låg terskel for kontakt ved nyoppståtte luftvegssymptom.
Kommunen minner samtidig om dei generelle smittevernråda:
* Du og dine næraste kan omgåast normalt.
* Hald auka avstand til andre enn dine næraste, minst 1 meter.
* Dersom du får symptom på luftvegsinfeksjon må du halde deg heime og testast.