Nivået er sett til oransje både for flaum, skred og nedbør i Sogn og Fjordane.
Frå onsdag ettermiddag til torsdag kveld er det venta 80-120 millimeter regn i løpet av eit døgn, og utsette plassar heilt opp i 200 millimeter. Saman med aukande temperaturar og snøsmelting, fører det til fare for både overvatn i tettbygde område, og at bekke- og elveløp går over breiddene. I tillegg vil det gi vanskelege køyreforhold mange stadar, med mykje vatn i vegbana med fare for vatnplaning. Det er og venta skredhendelsar, noko NVE seier kan få store konsekvensar. Flaumskred har ei lang rekkevidde og kan gå ned i dalbotnen sjølv om dei er utløyst i høgt terreng. Råda frå varsom.no, som er ei teneste levert i samarbeid med Statens Vegvesen og Meteorologisk Institutt, er å halde seg oppdatert på utviklinga av situasjonen, og å halde seg unna bratte skråningar, samt bekkar og elvelaup med stor vatnføring. NVE varslar og flaumfare, og ventar auka vatnføring i bekkar og mindre elver, med lokale oversvømmingar. Statsforvaltaren har og sendt ut melding til kommunane om å ta kontakt med lokalt politi for å gjere ei felles risikovurdering.