Kaien har vore stengd i samband med utskifting av gamal ferjelem sidan 25. mai, og tilrådd omkøyring for dei som måtte krysse  Sognefjorden med bil var over ferjesambandet Oppedal-Lavik på E39.
.
– Dei vart ferdige med arbeidet litt før oppsett skjema, og i 14-tida i går kom det melding om at kaien igjen kunne opnast for biltrafikk, seier Rolf Nordeide, byggjeleiar for kaivedlikehald i Vestland fylkeskommune, til Ytre Sogn.

Fram til då hadde ferja berre vore nytta til passasjertransport til og frå Ortnevik, etter vanlege ruter.

– Så no har Ortnevik fått ein ny, betre ferjelem, seier Nordeide.

Etter planen skulle kaien opnast igjen i dag, fredag 4.juni.