Dei ubodne gjestene har knust ei rute på ei av bygningane, gjort herverk med eit pulverapparat samt gjort forsøk på å bryte opp fire våpenskap. Dette skjedde same natta som A og J Bjordal hadde innbrudd i sine lokale berre nokre kilometer unna.

–Det er sannsynleg å tru at det er ein samanheng, seier politiførstebetjent Kristoffer Jorddal Lønning til Ytre Sogn.

Så langt er ingen ført opp som mistenkte for nokon av dei to innbrota.

Leiar i skyttarlaget, Eva Ynnesdal, seier til Ytre Sogn at dei ikkje no veit kva skadane vil koste.

–Vi må erstatte våpenskapa som er forsøkt brutt opp. Heldigvis har dei ikkje fått tak i noko av det som låg inni skapa, seier Ynnesdal.

I skapa var det både ammunisjon og sluttstykke til jaktvåpen.