AP skriv:  «Det må bli aldri bli slik i Noreg at kor god råd du har […], avgjer kva slags hjelp du får».  Dette står å lese om velferdstenester i ei brosjyre frå AP.  Brosjyren låg i postkassane rundt i fylket.

Raudt er einig.  Derfor vil vi ha gratis tannhelsetenester.  Vi går til val på eit program med for innføring av offentleg finansiering og drift av tannhelsetenester.  Dette er tema for Raudt-standen i Høyanger sentrum laurdag.

Men vi må spørje AP; er ikkje tannhelse viktig nok?  Er ikkje tennene ein like viktig del av kroppen som andre kroppsdelar?

Raudt har på Stortinget foreslått dette:

«Stortinget ber regjeringen legge fram en tannhelsereform for Stortinget som inneholder en konkret plan for innfasing av en universelt tilgjengelig tannhelsetjeneste, hvor tennene behandles som en del av kroppen og tannhelse likestilles med andre helsetjenester, for eksempel gjennom egenandelsordningen.»

Forslaget fekk 7 stemmer; MDG (1), Raudt (1) og SV (5).  Som de ser, stemte AP mot. 

Korfor meiner AP at tannhelse skal vere avhengig av kor god råd du har?