– Biskopane i kyrkja kom med eit råd til den lokale kyrkja om å vurdere utsetting. Den vurderinga er no gjort lokalt i stabane, i dialog med sokneråda og etter innspel frå mange foreldre. Vi er komne til at ei utsetting tener konfirmantane best, opplyser prost Knut Magne Nesse i Sunnfjord i ei pressemelding.
Han viser til at dei strenge nasjonale retningslinjene som kyrkja og heimane har hatt siste året skapar uvisse om ved kan gjennomføre konfirmasjonsgudstenestene og konfirmasjonsfesten.
– Det er eit ope spørsmål om familie kan kome reisande frå fjern og nær allereie i mai. Det er grunn til å tru av dette vil vere lettare til hausten. Kyrkja vil då gjere alt dei kan for å få dette til på ein god måte.
Konfirmantane vil få nærare informasjon om dette frå sine lokale kyrkjekontor.