Frå i ettermiddag er det fri ferdsel mellom Heggebø og Leirvik til over nyttår.
I samband med bygginga av gang- og sykkelveg har det vore to timars stengingar på denne strekninga sidan slutten av september. Frå torsdag 17. desember klokka 15.00 blir det kun arbeid på deponiet i Staurdalen, og trafikken vil difor gå uhindra til over nyttår. – Sjølv om arbeidet har vore utfordrande, så held prosjektet planlagt framdrift. På nyåret vil sprengingsarbeidet halde fram i fjellskjæringane, og det blir oppstart i ura som ligg i den delen av prosjektet som ligg nærast Heggebø, seier prosjektleiar Jon Harald Huseklepp, og takkar alle naboar og trafikantar for tolmodet dei har hatt dette året.