Olav Angell Vågan (73) vart på Høyanger Bridgeklubb sitt årsmøte nyleg tildelt Norsk Bridgeforbund (NBF) sitt fortenestemerke for innsatsen han har lagt ned.

Han har vore leiar for klubben i Høyanger i ei årrekkje, og er det framleis. 


– Vi meinte det var på høg tid at han fekk ei utmerking for innsatsen sin for bridgeklubben gjennom mange år. For den har vore – og er – formidabel, endå han sjølv tykkjer det er heilt naturleg. Mellom anna brukar han timesvis på å førebu spelkveldane vi har kvar veke, fortel Lars Kjetil Skeie, som er nestleiar i Høyanger Bridgeklubb, til Ytre Sogn.


Det var han – saman med kasserar Sven Ove Råsberg og styremedlem Terje Høyvik – som tok initiativ til å gje han Norsk Bridgeforbund (NBF) sitt fortenestemerke.

Sjølv vart Olav Angell Vågan overraska då han motok heidersteiknet
.

– Bridge er jo hobbyen min! Så noko slikt hadde eg aldri drøymt om. Men det er jo litt artig også, då, medgir han.


Les meir i neste Ytre Sogn!