– Foreløpig ser det ut som det er høge, men stabile tal, seier kommuneoverlege Kristine Brix Longfellow.
I alt er det no oppe i 101 sjølvregistrerte positive prøvar sidan 28.januar. Men situasjonen er på ingen måte dramatisk seier ho, sjølv ho forventar mange fleire positive prøvar i tida framover. – Det er mange som er nærkontaktar, spesielt i skulen, og dei bør fortsette å teste seg. Ho legg til at ho meiner folk gjer ein god jobb når det kjem til testing og smitteregistrering, sjølv om ho framleis trur det er mange mørketal. – Eg opplever at folk er flink til å teste seg, og vi deler ut mange hurtigtestar.