Lokale nyhende frå Ytre Sogn 25. mai 2019
Ytre Sogn 25. mai 2019

Bjørn Berstad, leiar for utgreiingsprosjektet, fortalde at dei har sett på tre ulike alternativ. 1) gjennomføre prosjektet som planlagt, 2) gjennomføre prosjektet i to byggjetrinn og 3) utsetje prosjektet.

Vil at rehabiliteringa går som planlagt

Journalist: Anne Lene Hansen | Publisert: 2. mai 2019

Med tre mot to røyster går Høyanger formannskap inn for at rehabiliteringa av Olderdalen barnehage vert gjennomført som planlagt.

I framlegget sitt gjekk rådmann Kjellaug Brekkhus inn for å utsetje den til Høyanger kommune har konkludert når det gjeld kapasitetsbehov, og inntil då bruke om lag ein halv million til oppgradering av personalrom.

Det var Kristin Sagerøy Råsberg (Ap) som kom med framlegget om å gjennomføre rehabiliteringa som planlagt, etter eit kort gruppemøte. Det fekk tre røyster, medan Sp sine to representantar gjekk for rådmannen sitt.
–Vi har hatt ein lang diskusjon om Olderdalen barnehage der det har vore sagt heile tida at det er behov for rehabilitering, og at det må gjerast noko på personalsida som blant anna treng arbeidsrom. Vi har gjort eit vedtak om at dette prosjektet er nødvendig. Bygget er snart 30 år gamalt, så kvifor skal ein utsetje noko som vi er nøydde å gjere? sa ho.

Les meir om saka i Ytre Sogn fredag!

⇐ Til framsida ⇐ Meir frå politikk
Tilbakestill passord
Skriv inn e-postadressa di og få tilsendt eit nytt passord