Lokale nyhende frå Ytre Sogn 17. juni 2019
Ytre Sogn 17. juni 2019

Når det kjem til det søte som kan lagast på eit hotelkjøken er det ingenting som overgår sjokolade, tykkjer Ulrikke Lie (29, biletet), frå Kyrkjebø, nytilsett konditor på Høyanger Hotell. Her viser ho fram sjokolademoussen som ho nett har laga - med ein påskevri.

Ulrikke (29) flytta heim til konditorjobb

Journalist: May Britt Eide | Publisert: 11. april 2019

Etter å ha budd og jobba på Austlandet i fleire år melde tanken seg om å flytte heim hos Ulrikke Lie (29). Og då ho også fekk tilbod om jobb der ho fekk bruke utdanninga som konditor var i grunn valet lett.

– Til helga har vi fått bestilling på ikkje mindre enn sju kaker. Så det er meir enn nok å gjere, seier 29-åringen frå Kyrkjebø og smiler.

Vi er på kjøkenet i det tradisjonsrike sentrumshotellet, der Ulrikke Lie held på og pyntar sjokoladedessertar. Sidan 1. mars i år har Høyanger Hotell vore arbeidsplassen henanr, etter å ha budd vekke i snart ti år.

– Om nokon hadde sagt til meg den gong eg gjekk ut av vidaregåande skule her at eg kom til å flytte tilbake no, ville eg nok ikkje trudd på det. Men no kjennest det i alle fall godt å vere komen heim, seier Ulrikke, og fortel at ho har sakna både plassen, familien og venene som enno bur her.

– Fleire av barndomsvenene mine frå Kyrkjebø og Høyanger bur her framleis. Og dei som ikkje gjer det er i bergensområdet, som jo ikkje er lange turen unna, seier ho og tykkjer det er flott at hotellet satsar på eigen konditor, noko det ikkje har hatt tidlegare.

– Eg vil nok også ha andre oppgåver knytt til hotelldrifta. Men det blir nok mest på kjøkenet eg skal vere. I tillegg til det som skjer på hotellet, har vi jo også tilbod om catering, det vil seie at folk kan bestille mat som vi køyrer ut – også kaker og dessertar, seier ho og smiler.

Les meir i siste utgåva av Ytre Sogn!

⇐ Til framsida ⇐ Meir frå næring
Tilbakestill passord
Skriv inn e-postadressa di og få tilsendt eit nytt passord