Høyang 2 fekk solid motstand i serieopninga heime mot Studentspretten 2. Bortelaget trykte på frå start, sprang meir enn heimelaget og var meir nøyaktige med pasningane.

Brage Bjørkhaug Bergset var høgt og lågt gjennom heile kampen mot Studentspretten 2. Trass i åtte baklengs, meiner underteikna at målvakta var heimelaget sin beste spelar. For resultatet kunne vore mykje verre. Nullen sprakk etter seks minutt. Då hadde Studentspretten 2 fått to corner på rad, og Fredrik Røed sette den andre i mål. Han opna med det skåringskontoen som skulle fyllast godt opp i første forsøk.

Steinar Hjetland Eskeland skåra eitt av måla til Studentspretten 2 mot moderklubben.

Les meir om kampen i Ytre Sogn fredag