Lokale nyhende frå Ytre Sogn 22. januar 2020
Ytre Sogn 22. januar 2020

– Det gjer at eg kan satse vidare på idrettane mine. Så det betyr mykje, seier Thristan Engebø Ullebø om stipendet frå Sogn og Fjordane idrettskrins.

Thristan (17) får stipend frå idrettskrinsen

Journalist: May Britt Eide | Publisert: 7. desember 2019

Thristan Engebø Ullebø (17) frå Høyanger er ein av i alt 15 unge idrettsutøvarar i fylket som er tildelt stipend frå Sogn og Fjordane idrettskrins.

Stipendet er på 10.000 kroner.


– Det gjer at eg kan satse vidare på idrettane mine. Så det betyr mykje, seier Thristan Engebø Ullebø til Ytre Sogn.


Han driv nemleg med to idrettar; sykling og langrenn, for høvesvis Sogn CK og Førde IL.

– Begge idrettar krev ein del utstyr, og det kan også vere dyrt. Så pengane vil nok bli brukt til det. Då blir det også litt mindre å betale for foreldra mine, seier han med eit smil.

Føremålet med stipendet å stimulere og hjelpe unge, aktive idrettsutøvarar i aldersgruppa 16-19 år til å søkje utvikling og framgang i sin idrett. 


Idrettskrinsen lyste ut stipendet i oktober, og heile 47 utøvarar frå 13 ulike idrettar søkte om å få det. Styret vedtok å gje det til 15 utøvarar som alle har hevda seg svært godt i idretten sin. Og blant dei er altså 17-åringen frå Høyanger.



Les meir i neste utgåve av Ytre Sogn!

⇐ Til framsida ⇐ Meir frå sport
Tilbakestill passord
Skriv inn e-postadressa di og få tilsendt eit nytt passord