Frå måndag 6. mars blir det igjen arbeid på dagtid i fylkesveg 55 Kvernhaugtunnelen i Høyanger.

Arbeidet går frå klokka 08:00 til 18:00, frå måndag til og med torsdag i neste veke.

Trafikken vert avvikla med kontinuerleg kolonnekøyring, med inntil 30 minutt ventetid.
Det er fri ferdsel i tunnelen frå fredag til og med søndag, skriv Statens vegvesen i ei pressemelding.

-Til no har vi gjennomført to veker med nattarbeid og lange stengingar, men vi treng i alt tre veker på å fullføre betongarbeidet i tunnelen. Vi kjem tilbake med informasjon om når siste veka med lange stengingar skal avviklast.