Lokale nyhende frå Ytre Sogn 22. juli 2019
Ytre Sogn 22. juli 2019

– Turen ned til Danmark og Roskilde vil ta om lag åtte veker, men det avhenger sjølvsagt av vêr- og vindtilhøva undervegs, seier Torben Ellehøj Okkels som er skipper og proviantansvarleg om bord på det rekonstruerte vikingskipet «Skjoldungen»

På viktingtokt frå Høyanger til Roskilde

Journalist: Anne Lene Hansen | Publisert: 3. juli 2019

I eit rekonstruert vikingskip frå år 1030 la eit mannskap på åtte danskar denne veka ut frå kai i Høyanger. Toktet skal ta dei til Roskilde i Danmark.

Vikingskipet med namnet «Skjoldungen» kom til Høyanger med lasteskip tidleg tysdag morgon, der det vart sjøsett og klargjort til den lange reisa. Til Ytre Sogn fortel 63 år gamle Torben Ellehøj Okkels, som er skipper og proviantansvarleg om bord, at turen langs norskekysten og vidare nedover til Danmark og Roskilde vil ta om lag åtte veker.

– Det er ein lang tur men akkurat kor lang tid vi kjem til å bruke avhenger sjølvsagt av vêr- og vindtilhøva undervegs. Mannskapet om bord er eit frivillig båtlag med åtte personar med ulik bakgrunn, alder og segleerfaring, seier Okkels og fortel at dei gler seg utruleg mykje til turen, som dei trena og førebudd seg til i fleire år.

Bakgrunnen for at dei har valt å starte i Sogn er at det originale skipet vart bygd i området rundt år 1030, og var eit av fem skip som vart funne under arkeologiske utgravingar i Roskilde fjord ved Skuldelev i 1962.

Les meir om vikingtoktet i neste utgåve av Ytre Sogn!

⇐ Til framsida ⇐ Meir frå nyhende
Tilbakestill passord
Skriv inn e-postadressa di og få tilsendt eit nytt passord