Nina Torvund (15) frå Hyllestad hadde matchball på stillinga 5-4, men tapte 5-6 for Ine Helvik frå Svithun i NM-finalen i 8-ball søndag.
Nina Torvund er i gang med finalespelet. (Foto: Gjermund Flage) Dermed vart det sølvmedalje til 15-åringen frå Hyllestad IL si biljardgruppe. Lagveninna Vilde Mary Dingsøyr Holme tok bronsemedalje i NM i 8-ball, som gjekk i Oslo frå 20. til 22. januar. – Eg vart litt nervøs mot slutten, og bomma på den siste ballen. Så eg var ganske nærme. Men akkurat no er eg mest glad for å ha vunne sølvmedaljen, ikkje at eg tapte gullmedaljen, seier Nina Torvund om det som er beste resultatet hennar i NM på seniornivå. Tidlegare har ho teke bronsemedalje. Og bortsett frå siste ballen er ho nøgd med spelet.– Eg trur det er det beste eg nokon gong har spelt, om eg ser bort frå avslutninga. Eg traff dei ballane eg ville, seier ho om finalen. Men også i semifinalen gjorde ho sakene bra. Der slo ho Kendall Onstad frå Oslo 6-3. Onstad er den som, i lag med Helvik, har bytta på å vinne NM dei siste åra. Les meir i siste utgåve av Ytre Sogn!