- Veldig trasig, seier Høyanger-ordførar Petter Sortland om at produksjonen ved Nyrstar sin fabrikk i Høyanger vil stanse opp.
Det var NRK Vestland som først meldte om dette torsdag kveld. - Vi har nett kome opp att i kneståande etter Fundo-konkursen, og så får vi dette opp i fanget,. Nei, dette er berre trasig, seier han til Ytre Sogn.Vil ha møte
- Men vi gir oss ikkje, legg Høyanger-ordføraren raskt til og viser til at eigarane har forpliktingar overfor lokalsamfunnet som dei ikkje kan springe frå. Det gjeld blant anna leigekontrakta i høve fabrikken, som han ikkje ser nokon grunn til at dei utan vidare skal terminere. - Tilgang på rimeleg konsesjonskraft har dei også fått. Difor forventar vi ein ryddig prosess av dei framover, seier Sortland og vil no krevje eit møte med leiinga i konsernet. - Vi skal også vere harde på at dei skal vere med og leite fram andre produkt og marknader til fabrikken. Og dei skal vere med på ein skikkeleg prosess i høve dei tilsette opp mot ny aktivitet.Nye eigarar
Om dei ikkje får det til, får dei sleppe til nye eigarar som får overta fabrikken som den står, meiner Sortland. .
- Det gjeld også teknologien som vert nytta i produksjonen, seier han og viser til at Nyrstar sin fabrikk i Høyanger aldri har gått så bra som den har gjort no, med stadige produksjonsrekorder. - Det er gjort ein formidabel jobb av dei tilsette.