Hydro Høyanger leverte eit årsresultat før renter og skatt på 77 millionar kroner i fjor. Fabrikksjef Stian Tangen meiner pilene peikar i riktig retning.
– Rekordhøg metallproduksjon og gode resultat frå innfasinga av ny støypeteknologi er døme som viser at vi legg bak oss eit godt driftsår, seier Tangen når han oppsummerer 2016. Årsproduksjonen i elektrolysen enda på rett over 65.000 tonn. – I tillegg er eg veldig nøgd med at vi klarte å støype så mykje som 70 prosent av ordrane våre med den nye teknologien vi har vore pilot på å implementere. Dette representerer ei strategisk viktig endring for fabrikken vår, sidan vi no er i stand til å levere avanserte legeringar til bilindustrien, seier Tangen.I fjerde kvartal viser selskapet sin rekneskap at Hydro Høyanger leverte eit overskot på 16,9 millionar kroner før renter og skatt. Tilsvarande resultat for tredje kvartal var om lag 1 million kroner høgare. Les meir i siste utgåve av Ytre Sogn!