Etter snart ni år som dagleg leiar i Østerbø Maskin går Steinar Holen over i anna stilling i bedrifta.
Det gjer han etter eige ønskje. – Det har vore spennande, lærerike, utfordrande og kjekke år som dagleg leiar i dette hardtarbeidande selskapet. Eg er stolt av det vi har fått til. Men no kjenner eg tida er inne for å late nye krefter ta over roret. Sjølv tek eg til i rolla som driftssjef og skal jobbe med leiing av større prosjekt mot kundar innan oppdrett og industri, seier Steinar Holen i ei pressemelding. Bedrifta med avdelingar på Østerbø på Høyanger og i Sløvåg i Gulen har i dag omlag 30 tilsette.