- Vi skal framleis vere eit aktivt, synleg lag, seier Bente Nesse, som er vald til ny leiar i Høyanger kunstlag.
Det skjedde på årsmøtet torsdag 28. mai. - Eg vart spurt i fjor også, men då hadde eg ikkje høve til det. Men no passa det betre, og då eg vart spurt igjen sa eg ja. Eg får også med med ein dyktig og erfaren gjeng i styret, og det gjorde det lettare å ta på seg vervet, seier Bente Nesse, som til vanleg er kommunedirektør i Fjaler, til Ytre Sogn. Ho bur imidlertid i Høyanger. Ho tek over etter Torill Thorbjørnsen, som har vore leiar i kunstlaget det siste året.