Først i slutten av januar vil styret i Helse Førde behandle prehospital plan, der blant anna døgnambulansen i Lavik er føreslått nedlagt.
Den prehosiptale planen skulle opphavleg kome opp på møtet i neste veke. - Vi har fått inn mange uttalar til planen, og dei treng vi tid til å gå igjennom, seier Per Marifjæren, kommunikasjonsrådgjevar i Helse Førde, til Ytre Sogn. Fristen for å kome med uttalar til planen gjekk ut den 25.november. Marifjæren fortel at dei har fått inn rundt 50 uttalar, på totalt 150-200 sider. - Dei må vi ta på alvor, og då tek vi oss tild til å gå grundig igjennom dei.Difor blir ikkje planen behandla før på styremøtet i slutten av januar, seier han.